વસંતનો વૈભવ.

ગઈ પાનખરને,રુમઝુમ પગલે આવી વસંત,
ડાળ ડાળ પાંદ પાંદ,ખોબલે થયું જીવંત

ડાળીઑને ફૂટી રહી છે,કોમળ કોમળ કૂંપળ,
કરવા રસપાન ફુલોને, ભ્રમર આતુર પળપળ,

ગાઈ રહી છે કૂંજમહી શરમાતી કોયલરાણી
નાચી રહી વનરાજી,સાંભળી મધુર વાણી,

ખુશનુમા લહેર વાય,ફુલોની મંદ મંદ
મીઠી લાગે આમ્રમંજરી તણી આ સુગંધ,


તરુવરની શાખા પર રંગીન ફુલ કેવા ડોલે
આભે ઊડતાં પંખી મનતણી ભાષા બોલે,

"વસંતનો વૈભવ" આ વસંતની શાહી સવારી
લાગે પાનેતર પહેરી,આવતી સુંદર નારી,

કેવા શીતળ હુંફાળા વાસંતી વાયરા વાય
આબાલ-વૃધ્ધ રંગભીના રંગોમા ન્હાય.