અમારું અમદાવાદ

આ અમારું અમદાવાદ શહેર,
ઍક સાંધે ત્યાં તૂટે છે તેર,

કોમવાદનાં થાય,કોમી ઝઘડાં,
પછી રાખે નહી કોઇ સાથે વેર,

ધોળે દિવસે થાય ધડાકાને,
મોદીનાં નામે પ્રસરાવે ઝેર,

પાગલ પ્રેમીજનો બહુ મળેને,
વાંકુ પડૅ તો પૂરે નર્મદા નહેર,

બસ રિક્ષા મન ફાવે ત્યાં ચાલે,
નિયમ પાલન કરે કોઇ રેર,

રસ્તે પડેલાં ભૂવા છે કે કૂવા,
દૂર કરવાની કોઇની છે ખેર?

ઝઘડાં થાય દરરોજ ઘરમાં,
તોય પતિ લે નવા નવા શેર,

આવા અમારાં અમદાવાદ પર,
મોદી સાહેબની મોટી છે મહેર,

ગમે ત્યારે ગમે ત્યાં ફરીઍ,
કરીઍ અમે તો લીલા લ્હેર.