શૈશવ ની પાંખે/


ઉઘડ્યું આકાશ -
શૈશવ ને આંગણે ,
પાંપણ
એક પછી એક
સપના ગણે ,
પાંચ પાંચ પાંચીકા
આનંદ ની મૂડી ,
એક ઉછાળી ,બીજો જીલુ ને -
આભલે ભાત પાડું રૂડી  ...
લીલી -પીળી
લાલ ચટ્ટક કુકી ,
થાઉં રાજી -રાજી ,
ધૂળની ઢગલી માં મૂકી ,
સાંજ પડ્યે -
થપ્પો ને થુપ્પીસ
દોડા દોડી ને પકડા પકડી ,
થાકી હારી ને ચઢાવે રીસ !!!
અહી -તહી ગોતીએ ,
બાવળ ને બોરડી -
લઇ બોર ખાઈએ પીપળે ચડી
થાય આરતી સંધ્યા ટાણે
દોડતું મન જાણે અજાણે
કરતુ દર્શન વિસ્મય ની આંખે
આમજ-
ઉડ્યા કરીએ શૈશવ ની પાંખે ...

રેખા જોશી -