એક ગઝલ

સમજણ ઈચ્છાઓનું અહી ઝારણ સમજ તું આમ જો

આશા અપેક્ષા દુઃખનું કારણ સમજ તું આમ જો

ભારે નથી જો આ હવા 'હું' જેમ, એતો જો ફરે

હળવી રહે   રાખે નહી ભારણ સમજ તું આમ જો

રૂપો અહી બદલી શકો પણ બદલશું  સ્વરૂપ ને ?

જો આજ છે અંદર બધું કારણ સમજ તું આમ જો

ભીતર જશું ને વાત કરશું જાત સાથે એજ લત

વિસ્તાર અંદર થાય એ તારણ સમજ તું આમ જો

કપટી રહીને મિત્રતા મળશે નહી આ જગતમાં

કેવું સબંધોનું હશે મારણ ?સમજ તું આમ જો

રેખા જોશી -