ભાતીગળ ભૂજ


મને ગમતું આ ભાતીગળ ભૂજ
ત્યાના લોકોની વાતે વાતે રમૂજ ,

ભૂજીયાની ગોદમાં એ લપાયું ,
ધૃજી ધરતી ને નવું સ્થપાયું ,
    કચ્છની આ કલગીને નમું નમું જ ..


વગડાના વાયરે એવી તો ગૂંથણી
એના વેઢે વેઢે જાણે કલા જણી ,
     આવા ખંતીલા લોકને નમું નમું જ ..

ખારા આ પટના મીઠા છે માનવી
રણની શોભા રોજ નવી નવી
       ચમકતી ચાંદનીને નમું નમું જ ..

એના મધ્યે હમીરસર તળાવ
ખોદેલી આ ઇતિહાસી વાવ
    આથમણી સાંજને નમું નમું જ ..


ત્યાં સોહામણો આયના મહેલ
કરીએ ત્યાં પોતાને જોવાની પહેલ
    મહેલના મિનારાને નમું નમું જ ..


કાળો ડૂંગર ને સફેદી રણ છે
આવા ક્છ્ડાના ભાતીગળ જણ છે
સૂકી ધરાનાં ભીનાં આ તળ છે
વચને ખુમારી ને બાવડે બળ છે
        આવા ગરવીલા ગામને નમું નમું જ...


રેખા જોશી -