એક ગીત -

હું થઇ છું રાજી ,તારા ખોળે
આવી ભાત પડી ,છે પટોળે ....
         હું થઇ છું રાજી...
..
તું રંગીલો રંગો ચીતરે ,
હૈયું મારું એવું નીતરે ,
ભીતરે ભાવ વળે છે..ટોળે ....હુથઈ છું

જોને કેવો જળનું વાદળ ,
વહેતું ઝરણું ,હું ખળખળ
આવી સપનાઓ પગ બોળે .....હું થઇ છું

હું છું તારી સવાર સુહાગી ,
તું છે વરજી ,તું વરણાગી
આવી સૂરજ પીઠી ચોળે .....હું થઇ છું

તું આથમણે ઉભો અઢેલી ,
હું છું નમણી સાંજ નવેલી ,
જળમાં કંકુ કેવું ઘોળે......હું થઇ છું

રેખા જોશી -