ગુજરાતણ
ગામડાંની નાજુક નમણી નાર
મારી કેડે લાગે હેલનો ભાર,
હાલુ ઉતાવળી લટકતી છે ચાલ
હોલાને દઊ હોંકારો ને પોપટને વ્હાલ
ઘમ્મર ઘુમાવું લાલચટ્ટક ઘાઘરો
વગડાનો તાપ લાગે બહુ આકરો
વડલાંનાં છાયે ગાયને વાછરું વાગોળે
થાકીને પંખી બેઠાં ડાળે ને માળે
આવ્યું પાદરને ગામ છે ઢુકડૂ
લાંબોતાણું ઘુંમટો વરતાયનામુખડૂં
જોઇ મને ભેંશ મારી ભાંભરે
થાકી ને બેહુ ત્યાં માવતર હાંભરે.

રેખા જોષી બપોરે ૧ વાગે