રે સખી ,

આંખ્યું માં પ્રેમ ફૂટયાની છે વાત  ...રેસખી
ઉડાઉડ કરતા પતંગીયાં ની ભાત ...
સ્પર્શનું બીજ મારા ટેરવે ઉગે ને ,
ઉઘાડી આંખે સપના જોવાની રાત ....રેસખી
નજરું મળતાને બંધાય છે વાદળ ,
ધોધમાર વરસી પડે છે મારી જાત ......રેસખી
સમય કે સ્થળ ની સીમા નડે નહી ,
ચારેય  પોર મારે દલડે હયાત ....રેસખી
આવજો કહી ને આ 'અરુણ ' જો આથમ્યો ,
આથમતું નથી મારું પરભાત ......રેસખી
આતો કાળજા ના કામણ છે ,
એમાં હોય નહી નાત કે જાત ......રેસખી
રંગોળી પુરી છે મેતો પ્રેમ ની ,
 એક નહી પૂરું હું રંગ સાત સાત। .....રેસખી

રેખા જોશી -