Rekha Joshi

વરસો પછી એ આવ્યો ,
માતા -પિતા ભાઈ -બહેન
બધાએ ગદગદિત હ્રદયે ,
જાણે પ્રેમ થી ભીંજાવ્યો,
જ્યાં પ્લેન માંથી પગ પડ્યો નીચે ,
કે માતા નયન થી પ્રેમ ને સીંચે
પગરવ પડ્યા માતૃભૂમિ ની ગલીમાં
ઉભરાયું બાળપણ એની પગલી માં ,
ઘર -તણો એ ખુંદી વળ્યો ખૂણે -ખૂણો
અકબંધ હતું બધું એ
લાગ્યો નહોતો લાગણી ને પણ લૂણો
કેવી ચમક ?સ્વપ્ન -સભર આંખો માં
ક્ષણ માં સમેટી લઉં બધું પાંખો માં ,
આખરે આજ હતું મારું ઘર ,
ભીંજાયો હતો સ્નેહ થી તર-બતર