Sunday, May 8, 2016

ગઝલ -

અરે ધસમસ ધસે સરસર સરે ભાગે સમય આગળ
 જવાનીની કસોકસ મેં લગાવી છે અહીં સાંકળ

બહુ તપતા રહી તડકે તપાવી જાતને આવી
નથી ઝગમગ થવાને ભાત મારી હું નથી ઝાકળ ,

વહે છે આજ તારી આંખમાં આંસુ ખબર એવી
હતું એ મૌન થીજેલું અને લાચાર ગંગાજળ

ચણી લીધી ઇચ્છાઓને બધી ભીંતો મહી લાગટ
છતાં પડઘાં બની પડઘાય છે આશા અહીં સાંભળ

કહું છું હું મને, સાચી હશે તું જો પછી જોજે
તને મળવા અહીં ખુદા જ પોતે આવશે પાછળ

નવેસરથી જ આલેખું કથાને હું ,કદાચે જો
નવી આ કાલ માટે તે બને કોરો જ કાગળ

રેખા જોશી 

No comments: