સાક્ષીભાવ -


આંખ સામે નથી અંધકાર કે -
પૂર્ણ દિવ્યજ્યોત ,
પડછાયા રહિત હું....
ધીરે ધીરે મુક્ત બની
ડગ ભરી રહી છું ...
જ્યાં નથી અતીત ,
આજ કે પછી ભવિષ્ય ,
જ્યાં મારો અંશ રહે નહી -
સ્મરણ સુગંધ કે સમયમાં
બની અસ્તિત્વ
 સૂક્ષ્મ કે સ્થુળમાં રહેવા ન ચહું
કારણ ??
હયાતીથી  જ હોય છે
દ્વિધાઓ ,પ્રશ્નો કે અપેક્ષાઓ ..
પુનઃ
જન્મ લેતા વિવાદો
આભાસો કે અસત્યો
વિરમું ..ત્યાં...
જ્યાં સત્યની શોધ પૂરી થાય
જ્યાં ઈશ્વરનો આવાસ છે ....

રેખા જોશી -