હરિણી છંદ -17અક્ષર ,લ લ લ લ લ ગા -ગા ગા ગા ગા -લ ગા- લ લ ગા -લગા

નિશદિન અહીં ,આવું શાને થતું સઘળું કહે ,
સળવળ થતી ,પીડા તારી બહુ રડતી રહે ,

અગન ઝરતી ,વાણી એની બધે સરખી છળે ,
જણતર કરી ,પાપો આવા ,પછી મનડું બળે

ઘર ઘર હશે ,તારી મારી ,કથા જડશે અહીં ,
સબરસ બની ,જાવું તારે બધું મળશે નહીં ,

ચણતર હશે પાયામાં જો કહે જગમાં મને
બરછટ નહીં લાગે જોને અહી નડતું તને ,

અબરખસમા ,ખોટા આવા અરે બનશો તમે ,
ચણતર કરી સારા કામો પછી મરવું ગમે ,

વળતર  નથી  સાચું ખોટું ,ન'લે તપતી ધરા ,
બરકત બધી આપી દીધી ,નમી સમજો જરા ,

નિરતિશય છે ,લોકો એવા રહે સરખા બધે ,
વિનય કરતી ,ભાષા એની બહુ ચડતી વધે ,

-રેખા જોશી